| ٻک توں لَپ تے لَپ توں چُکّی رہ ڳئی ء |
| سِک دے سیک ءچ رت وی سُکّی رہ ڳئی ء |
| وَݨ اُلفت دا تاہوں پُھل پَھل نِیں چایا |
| کہیں دی حسرت پاڑاں ٹُکّی رہ ڳئی ء |
| اساں اپݨا پیار اُڑاندا ݙیندے رہے |
| اوندی اُلفت سُکّی پُکّی رہ ڳئی ء |
| اوندی اَکھ دے وار قضا وی نِیں تھیندے |
| ساݙی دید ھمیشہ اُکّی رہ ڳئی ء |
| تیݙا لہجہ تیݙیاں ڳالھیں نِیں وسریے |
| ہاں وچ میخ ھمیشہ ٹُھکّی رہ ڳئی ء |
| پُرکھیں دی پَگ سر تے اِتنے بار ݙتّن |
| ناصر گردن ہُݨ تئیں جُھکّی رہ ڳئی ء |
2024-10-01