| بھانڑ اُتاک تے جھوپڑ، سالھیں محل منارے میݙے ہِن |
| میں بلپَنْ دی سوچ ہاں سانول چَندر سِتارے میڈے ہِن |
| میکوں دولت نال کِہِیں سِک میں موسٰی دا بَلپن ہاں |
| لعل جواہِر تیڈے حِصّے لال انگارے میڈے ہِن |
| تُوں پُوہ زاد سِیالے جایا ٹھڈھڑیا ہیلاں تو چُنْ گِھن |
| میڈے جزبے سِجھ دیاں کِرناں شوخ شرارے میڈے ہِن |
| زر، دولت یا کاٹن، کاراں، واکر جُھولے قابو کر |
| پِیو دے پیریں بہہ تے جُھوٹے لِی لَوارے میڈے ہِن |
| دریا دی اَدھ سِیڑھ ءِچ جیڑھے مار تھباکے تَردے ہِن |
| تارے بال تے ڈیکھ اِنہانکوں اے انڑ تارے میڈے ہِن |
| تیڈا میڈا فرق ڈِسیمیں ڈُوں تصویراں اَنج کر تے |
| ناصر نال مصوّر ہاں پِیاں اے فَن پارے میڈے ہِن |
2024-12-27