| تیݙی سک تاں روح دا سمل تھی ڳئی ہے |
| توں آ ݙیکھ اکھیں تے چھل تھی ڳئی ہے |
| سفر مشکلاں دا لڳے پل صراطی |
| ولا ݙیکھ زندگی پزل تھی ڳئی ہے |
| اے ممکن تاں نئیں کوݨ اہدا کھڑا ہے |
| خوشی تیݙا نعم البدل تھی ڳئی ہے |
| ڄیڑھا لحظہ ٻیٹھیں میݙے سامݨے توں |
| تیکوں ݙیہدیں ݙیہدیں غزل تھی ڳئی ہے |
| تیݙے در تے پئے ہئیں تیڈی ݙات نئیں تھئی |
| توݨیں لیراں لیراں اے جھل تھی ڳئی ہے |
| توں آ ڳئیں تاں ساگر ایویں لڳدے میکوں |
| میݙی کلکی میݙا محل تھی ڳئی ہے |
2024-09-24