ڄیویں ساوݨ ساݙوں راہیں بدلسے

جِیویں ساوݨ ساڈوں راہیں بدلسے
اُونویں دریا وَلا کاہیں بدلسے
اے موسم وقت ویلہے نال ٹُردِن
اساں ڈو وی خُدا چھاہیں بدلسے
اوندے سر کُوں سکوں کیا دھوڑ مِلسے
نَویاں جو سر تلوں باہیں بدلسے
جیڑھا کہیں کوں رویسے آپ روسے
کڈہیں پاسے کڈہیں آہیں بدلسے
تیڈے سونا بنڑݨ کوں دیر ھے پَئی
اجاں زرگر بیاں بھاہیں بدلسے
کریسے کے تلک خانہ بدوشی
تیڈی اے دل کِتی جاہیں بدلسے
ھے تیڈے مال دا چروال ناصر
حیاتی بھر کھڑا پاہیں بدلسے

جواب لکھو

تہاݙا ای میل پتہ شائع کائناں تھیسی ضروری خانیاں تے نشان لڳے ہن *