| اساکوں چھوڑنؕا ہاوی سہارا کیوں ڈتا ہاوی |
| جے نیت وچ بھنور ہاوی کنارا کیوں ڈتا ہاوی |
| سجنؕ تَیں آکھیا ہا جو تیڈی قسمت جگا ڈیساں |
| مقدر میڈے کوں نقلی ستارا کیوں ڈتا ہاوی |
| اساں تیکوں چتایا ہا جُدائی تیڈی نہ سَہسوں |
| وچھوڑے دا اے صدمہ وَل دوبارا کیوں ڈتا ہاوی |
| جے کنجوسی تیڈی اَجکل ارادے کولوں وَدھ گئی اے |
| گنہگاراں کوں رحمت دا اشارا کیوں ڈتا ہا وی |
| اساں عمراں گزاری ھِ کُھلی اَکھ دے اَصولاں تے |
| جگارے وچ نِوی ملدا جگارا کیوں ڈتا ہاوی |
| توں شاکر جانؕدا ہاویں اساڈے ظرف دی فطرت |
| نظر دے لائق نہ ہاسے نظارا کیوں ڈتا ہاوی |
2025-11-30