اکھیں وچوں ہنجھ دے موتی پووݨ والا کوݨ؟

رات دے پچھلے پہر اچ ایݙا رونوݨ والا کوݨ؟

ہر کوئی ݙیکھ امیر دا بݨدےچپ رہے یار غریب

بے سیتے تے بد بختے دا ہونوݨ والا کوݨ؟

اپݨی کیتی اتے اتھے کوئی وی نئیں نادم

داغ جفائیں والے اتھے دھونوݨ والا کوݨ ؟

توئیں تاں خوش تھی شگناں والیاں مہندیاں لائیاں ڈھیر

سارا پتہ اے مہندیاں لانوݨ لووݨ والا کوݨ ؟

ساریاں ڳالھیں یوسف ساݙے دل وچ ہن محفوظ

اوکھے وقت اچ ساݙے نال کھلونوݨ والا کوݨ ؟