| ایویں رلدےرلدے ائے ہاسےبھاویں شک پوندے وت رل ڳئے ہیں |
| تیݙے در تیں آ کے یاد آیا کُجھ آکھݨا ہا پر بُھل ڳئے ہیں |
| کہیں گُجھڑی بند اچ بند اساں او وی گُنجی مُنجی تند اساں |
| کُئی بند بھلا کیا کُھلݨی ہئی بس اپݨے آپ تیں کُھل ڳئے ہیں |
| کئی اندر قہر قیامت ہئی ول کنڈ تیں پنڈ ملامت ہئی |
| تیݙے ناں دی نسبت رنگ ݙتے اساں نال پُھلاندے تل ڳئے ہیں |
| ہَن سر تیں بار پہاڑیں دے تیں سنگ ہَن سانگے ڄے توڑیں |
| ڄݙاں سانگے بے بنیاد لڳے تھی ساگی پُھل دے پُھل ڳئے ہیں |
| کہیں در دا کُئی بھرواسہ کیا لب صدا کہیں ہتھ کاسہ کیا |
| رُلݨے تاں ول ارمان کیہاں کتھ رُلݨا ہا کتھ رُل ڳئے ہیں |
| کیا سُدھ ہئی بولݨا پئے ویسی اے راز وی کھولݨا پئے ویسی |
| اساں ہاسے لوک فقیر کئی اینویں مُفتے شاعر ہُل گئے ہیں |
2024-10-08