| اصل ناں | ثاقب خلیلی |
| تخلص | ثاقب |
| ڄم پل | 10 جون 1969ء |
| شعبہ | شاعری |
| اتہ پتہ | لودھراں |
کجھ نمونہ کلام:
غزل
| توں سنگری چوپ یا کاڑھا بݨا گھن |
| ھے تیکوں کھنگھ قہراں دی دوا گھن |
| تو رج رج مہݨے ݙے میکوں سہا گھن |
| نہ دل اچ رکھ توں کوئی حسرت مٹا گھن |
| الا گھن جانیاں کھورھا الا گھن |
| میں اجکل مر وسئیں بدلے لہا گھن |
| فریم ایں دل دا بالکل کر صفا گھن |
| اَتے دلبر دا فوٹو وچ سجا گھن |
| زبانوں ول وی ݙیکھیں حق نکلسی |
| تو سر کپ ، سانگ تے بے شک چڑھا گھن |
| اساݙے دل دے کر لبرے میڈا چن |
| سہا گھن سیجھ خوشیاں دی سہا گھن |
| نظر چٹ گئی ھے بد نظرے دی تیکوں |
| وتا مرچاں ، یا ٹھک پھک دم کرا گھن |
| ودا جاہ جاہ سݨیدا ہیں توں مندری |
| نشانی اے محبت دی ولا گھن |
| بھلا ان من دے اگوں کیا اپیلاں؟ |
| تو قاصد دل دی ونج کھت کھت مٹا گھن |
| نہ کر ارمان وِچھڑے بے وفا دا |
| تڑپدی ہوئی محبت دا مزا گھن |
| نئیں چاہندا دوستی جیکر نبھاوݨ |
| نشانی اج میݙے کولوں ولا گھن |
| نئیں بچݨا کجھ وی ایں دنیا تے ثاقب |
| بچا ایمان سگدیں تاں بچا گھن |