| زُلفاں دی چھاں ہاڑ ہُنالے لِکھدے گئے |
| قُرب کہیں دے پُوہ دے پالے لِکدھے گئے |
| ساڈیں پِچھلیں آنون والیں نِیں سمجھا |
| دگ دا حال تے رَت دے چھالے لِکھدے گئے |
| قیس ہُووے فُرہاد یا رانجھا راول وی |
| عشق دا حال تاں ساڈے لالے لِکھدے گئے |
| رَبّ دی خلقت نال محبت، رَبّ مِلدے |
| رُوز ازل تُوں اللّٰہ والے لِکھدے گئے |
| ہر کُئی اپنڑیں مُوئیں کوں روندے اِتھ بابا |
| ہر کُئی اپنے درد کِشالے لِکھدے گئے |
| روز ستم دا ناصر نواں سجھ اُبھریئے |
| روز دے قِصّے ہاں دے کالے لکھدے گئے |
2024-12-02