| ساݙے پیوند دے سب ڳانڈھے جو سل سل تے نکھڑدے ڳئے |
| ہوائیں نال ہر پتے وی ہل ہل تے نکھڑدے ڳئے |
| جو خود کوں وݨ سمجھدا ہا اصل دے وچ ہا ہک ٹانڈا |
| اے ویلہے نال سب پردے وی چھل چھل تے نکھڑدے ڳئے |
| بھریے میل ءچ او جوکر شخص کلہا رہ ڳیا آخر |
| تماشائی سبھے سارے وی کھل کھل تے نکھڑدے ڳئے |
| اے مفتا دل کڈھݨ کیتے میں ونڳاں تروڑ ٻیٹھی ہاں |
| میں جوں جوں دل کڈھیندی ڳئی او دل دل تے نکھڑدے ڳئے |
| ہمیشہ روز کل توں گھڑے پاݨی سکا ویندن |
| سبھے کل کل توں کلدے رہے تے کل کل تے نکھڑدے ڳئے |
| کپاہ دے نرم گوشے وچ جو پل پل تے وݙے تھئے ہن |
| اُو پیویں دے مٹھے میوے وی ول ول تے نکھڑدے ڳئے |
| ایہو احسان ہے ناصر کئی منہ ݙیکھݨ تا لنگھ آیا |
| جنازہ پڑھ تے بس وارث کوں مل مل تے نکھڑدے ڳئے |
2024-11-09