سچیں جذبیں دا سچا شاعر

ضلع کوٹ ادو نال ہمیشہ میکوں الفت تے محبت رہی اے ۔ کیوں جو ایں دھرتی نے میکوں ڈھیر سارے مخلص شعراء کرام عطا کیتن۔ ایندے وچ میں ابوالکلام سئیں شبیر شرر صاحب ۔۔ منصور شانی ۔۔ بشیر بزمی صاحب ۔ ملازم حسین شانی صاحب ۔ عنصر کھلنگ تے عادل گوہر جھئیں نفیس تے خوش مزاج شاعر موجود ہن ۔۔
اجوکی ڳال وی میں ڄہڑے نوجوان شاعر دے بارے ڳال کرݨ لڳاں اوندا تعلق وی ایں دھرتی دے نال ہے

آ صنم رائیگانی دا قصہ سݨوں
نا مکمل جوانی دا قصہ سݨوں

میݙی مراد ہے ایں شاعر دے خالق ’’ سئیں اشرف مشکور صاحب ۔۔‘‘
اشرف مشکور ایں موجودہ دور دا ٻہوں پیارا تے خوبصورت شاعر اے ۔اشرف مشکور صاحب سادہ لفظیں وچ وݙی گال کرݨ دا گر بخوبی جاݨدن ۔ تے اکثر شعریں وچ نویں ڳالہیں گھن آوݨ دی بھرپور کوشش کریندن ۔۔ آپ غزل لکھدن تاں ایں لکھدن تے ہک نویں ردیف لا تے اپݨے نال دے ہم عصر شاعریں کوں جیران تھیوݨ تے مجبور کر ݙیندن
اشرف مشکور ٻنیں شاعریں کنوں الگ سوچیندن تے وکھرا مزاج رکھدن ۔ سئیں اشرف مشکور سچے عشق تے سچے عاشق دا قائل ہے ۔ موجودہ دور دے سرائیکی ادب وچ اشرف مشکور صاحب ہک الگ پہچان رکھدے ۔ تے نوجوانیں وچ چنگے شاعر آکھݨ آلے ایں نوجوان، ادب دی دنیا تے اپݨا لوہا قلم دی نوک نال بخوبی منوائے

اشرف مشکور صاحب ہک کتاب دے لکھاری ہن وچ ڄیندا ناں ہے ’’ جیوݨ کھوہ دا پاݨی ‘‘ ۔ایں کتاب وچوں ہک غزل ساریں دوستیں دی نظر ہے توجہ فرمائسو