نصراللہ خان ناصر ہک ادیب شاعر، دانشور تے استاد ہن. سرائیکی زبان دے ٻہوں وݙے ادیب ہن. ڄنہاں نے شاعری ،تحقیق تے تنقید تے ٻہوں چنگا کم کیتے. ایم اے سرائیکی دے نصاب وچ انھاں دی کتاب پڑھائی ویندی پئی ہے
| نصر اللہ خان ناصر | |
| ڈاکٹر نصر اللہ خان ناصر (1946ء) | |
| ڄم پل | 3 فروری 1946ء لیاقت پور،ضلع رحیم یارخان، پاکستان |
| میدان | نقاد ، محقق ، ادیب ، شاعر |
| پیشہ | ماضی پروفیسر اسلامیہ یونیورسٹی بہاولپور ،ٹیشن ڈائریکٹر ریڈیو پاکستان |
| مشہور کم کار | سرائیکی شاعری دا ارتقا اجرک |
| سکونت | بہاولپور |
تعلیم
آپ نے اپݨی ابتدائی تعلیم وستی چاکر خان وچوں حاصل کیتی۔میٹرک گورنمنٹ ہائی سکول اللہ باد توں کیتی۔ بی اے صادق ایجرٹن کالج المعروف S.E کالج توں کیتا۔ایمرسن کالج ملتان توں اردو ادب وچ ماسٹر کیتا ۔ 1994ء وچ بہاؤالدین زکریا یونیورسٹی ملتان توں سرائیکی زبان وچ پی ایچ ڈی کیتی ۔ مقالے دا عنوان ہائی ” سرائیکی شاعری دا ارتقا “۔ سرائیکی شاعری دا ارتقاء وچ آپ نے سرائیکی شاعری دی تاریخ کوں محفوظ کیتے تاں اے سرائیکی زبان و ادب واسطے ٻہوں وݙا کم ہے۔
ملازمت
نصر اللہ ناصر ریڈیو پاکستان توں ٹیشن ڈائریکٹر دے عہدے توں ریٹائر تھائے ہن۔ ایں توں علاوہ اسلامیہ یونیورسٹی بہاولپور دے سرائیکی شعبے دے چئیرمین وی رہے ہن
کتاباں
- اجرک (سرائیکی نظماں)
- یہ کیسا دکھ ہے (اردو نظماں)
- صحرا کے گیت وادی سندھ کی باقیاتِ
- چولستانی خانہ بدوش قبائل کے قدیم گیت
- سرائیکی شاعری دا ارتقاء
- تشخص
- نویں سوبھ
- معنویت
ایوارڈ
- خواجہ فرید ایوارڈ
- صدارتی ایوارڈ برائے حسن کارکردگی (23 مارچ2024ء)
کجھ نمونہ کلام
دھرتی ڄایا
میں ہک لفظ نی کھسکیا اڄ تئیں
اوچ شہر دے مقبرے سارے
بی بی جند وݙی دا روضہ
سلھ سلھ تھی تے ڈھاندے ویندن
پتݨ منارا جینکوں صدیاں
نو نو سو سلامیاں ݙیون
کردا ویندے
میکوں فکر ء میݙے ٻالیں
میں توں میݙا شجرہ پچھیا
تاں میں کیا اکھیساں _!