| جِیویں ساوݨ ساڈوں راہیں بدلسے |
| اُونویں دریا وَلا کاہیں بدلسے |
| اے موسم وقت ویلہے نال ٹُردِن |
| اساں ڈو وی خُدا چھاہیں بدلسے |
| اوندے سر کُوں سکوں کیا دھوڑ مِلسے |
| نَویاں جو سر تلوں باہیں بدلسے |
| جیڑھا کہیں کوں رویسے آپ روسے |
| کڈہیں پاسے کڈہیں آہیں بدلسے |
| تیڈے سونا بنڑݨ کوں دیر ھے پَئی |
| اجاں زرگر بیاں بھاہیں بدلسے |
| کریسے کے تلک خانہ بدوشی |
| تیڈی اے دل کِتی جاہیں بدلسے |
| ھے تیڈے مال دا چروال ناصر |
| حیاتی بھر کھڑا پاہیں بدلسے |
2025-01-22