| کوفے دا اول ݙینھ توں وفا نال ھ جھیڑا |
| ظالم دا وی بلدے اشا نال ھ جھیڑا |
| اپݨے نہ شہرداریں دے کرتوت ݙو ݙیہدے |
| ناگئے دا صبح شام خدا نال ھ جھیڑا |
| بکھ ڈیݨ میکوں قارون دے دروازے تے گھن ڳئی |
| اوں ویلھے دا میݙا اپݨی انا نال ھ جھیڑا |
| کر کر کے دعاواں وی اونکوں یار چنئیں ملیا |
| ایں ڳال تے بسمل دا دعا نال ھ جھیڑا |
| ست ماڑ تے ونڄ کے وی جݙاں خالی ولی اے |
| اوں ݙینھ دا میݙا اپݨی صدا نال ھ جھیڑا |
| میں جاݨداں ایں آ کے تیݙی خوشبو چرائی اے |
| تہوں میݙا ایں اوتری ہوا نال ھ جھیڑا |
| سدھ نئیں او کیندی من تے میݙے نال خفا اے |
| ݙاہ سال توں میڈا چھوٹے بھرا نال ھ جھیڑا |
2024-12-03