| اصل ناں | محمد یونس |
| قلمی ناں | یونس ناصر |
| پتہ | رحیم یار خان ، پنجاب ، پاکستان |
| استاد شاعر | قاصر جمالی |
شاعری دا منڈھ
یونس ناصر ہوݨیں 1985ء وچ اپݨی شاعری دا آغاز کیتا ، تے استاد الشعرا قاصر جمالی صاحب دے اڳوں شکر رکھی۔
نمونہ کلام
غزل
| سر تے جھل ٻئی سِل نیں سڳدے |
| ہُݨ تاں سہہ ہک تِل نیں سڳدے |
| ایجھے گُھمنݨ گھیر ءچ آ ڳیوں |
| ٻڈ تاں سڳدوں ٹِھل نیں سڳدے |
| مجنوں وانڳوں ٹِک تے کھڑ ڳیوں |
| اِیݙے اُوݙے ہِل نیں سڳدے |
| دُھوتی بھانویں روز پڑھاون |
| سجݨ کہیں تے کِل نیں سڳدے |
| سَو اَکھ پہرے دار ہوندی اے |
| میل دے وچ وی مِل نیں سڳدے |
| کِھلݨ والی ڳالھ تے وی ہُݨ |
| ناصرؔ کُھل تے کِھل نیں سڳدے |
قطعہ
| کُئی ضرورت نیں ودھ الانوݨ دی |
| چلو ٻوݨیں تاں ٻدھ الانوݨ دی |
| صرف اکھیں جھکا تے کھل پمدیں |
| کیجھی عادت ہی ادھ الانوݨ دی |
ݙوہڑا
| آ کھیݙوں کھیݙ جوہک ہووُں بھاویں ایں چݨگھن بھاویں اوں چݨ گھن |
| تو توں رہ ونڄ میکوں میں کر گھن ول ہک چݨ گھن یا ݙوں چݨ گھن |
| چم چم ہٹ پوون شرط ہووے میکوں پیر چا ݙے تو موں چݨ گھن |
| ٻس ناصر ہڑ بھچ کیا کرݨی تیکوں میں چݨداں میکوں توں چݨ گھن |