| میڈے ویڑھے بہاراں ہن تے ڈر کوئی ناہ خزاواں دا |
| میڈا ویڑھا اجاڑا نے بھلا تھیوے ہواواں دا |
| میں ڈھلدے وقت دے بارے پریشاں کوئینا تھیندا ہم |
| میکوں کوئی خوف ناہ جیویں میڈے ڈھلدے پچھانواں دا |
| جھڑی ہوندی تاں ہئی لیکن کڈی ایویں تھیا نہ ہا |
| اچانک ہک ڈینہ مینہ لہہ پئے میڈے سر تے ننانواں دا |
| ٹرا تاں ھم دعاواں نال رستے وچ لٹا ہاں میں |
| پتہ نئیں کیوں تھیا کائینی اثر کہیں دے دعاواں دا |
| جھکے ہوئے سر کو ڈیکھݨ چاہندے ھن شومی_ قسمت |
| مکا نئیں اج تلک جھیڑا میڈا تے ناخداواں دا |
| فقیری وچ حیاتی انج گزاری ہم میڈا سانول |
| فقیراں نال جھیڑا ھا وڈے پن تے اناواں دا |
| میں وی بابے دے پتریں دے وچوں چھوٹا ہمی سب توں |
| میڈا وی منتظر کھوہ ہے میں یوسف ھاں بھرانواں دا |
2024-12-28