آخری امید

یـم قـیصـرانیمُوسمیں دا پھـیر رُت بـدلݨ نال سوچیں دے سیجھ کوں کہیں اُلٹی بُجھارت دی کار وکـھریں سِمتیں وچ ترتیب ڈیوݨ لگـدا ھا تاں کائـنات دی ہر خوبصورتی سمیت ہـر موذی مُشکیݨ جھیا ویـری ویݨ وی چـولی بـدل تیں نواں روپ دھـار ڳھیندا ھابٹھے دے پـیڑ تیں ہر ہونال سیال مُـنشی دی نویں کاپی وی کئی نویں ناویں کوں چـھاپ ڈیـے تیں قـدرت دے پھیر کوں اپنڑے جـگر تیں جـاہ ڈیندی ھئیایہو عـالم کہیں دے ڈورے کنیں وچ زوں جـتنا زور وی نہی رکھدا اوکـوں تاں اتنا وی بھول ویـندا ھا جو ہوݨ ہونال اونڑے یا سیال، مُـلاں بانڳ ویلھے اوٹھی تیں نـماز پڑھ قـرآن مـجید دی تلاوت کرے ھا تـاں ورق پترݨ دی گنجائش کوئنی ھئی کــیوں جــو ہوݨ قرآن دے ورقے وی پتریج پتریج ضعیف تھی گــے ھین بس ہوݨ لفظ خودبخود زبـان تیں جـاری تھی ویـندے ھینمـحـمد بـخـش چٹے صـافے وچ ٹـُکر ویـڑھ تیں اج باہـوں سویـل نال بٹـھے تیـں پوج گیا”مُـنشی صـاحب تھہاکوں پـتے مـیڈا پُـتر لاہور پـڑھدا پئے خـرچے ودھ گـین ایں واری کوئی 15ہـزار نـقد ڈیو ھـا میڈا وعـدہ تھیا میں ویـلھے نال سـجا ڈیساں”چـاچـا باہـوں گھٹ گالھ کریـندا ھا پــر اونـدے بـول باہـوں بارے ہونـدے ھین اوکا وزنی ھـک غـیور خودرا انـسان مـن وچ مجذوبی رکھدا ھوویے تاں پـتھر وی اونـدا ویݨ سنڑ پگھیر ونجے انسـان کیا ھیےاونـدا پـُتر سجـاول اوندے پـنج دھریں دی تیں اوندی آخــری امــید ھئی او زنـدگی وچ کـڈاھیں خـدا کیں مـایوس نہیں تھـیا اپنڑے لیـکھ دی ہر شکست کـوں آخـری ہـار آکـھ وت نویں سـروں زنـدگی جیوݨ یـقیناً اونـدا وڈا کارنـامہ ہئی۔”سـدرہ سـاڈا آخری سمیسٹر چلدا پئے یقین مـن تـیڈے نال ہـک ہـک پل پروݨ وانگوں میڈے بدن توں مونجھ دی تمام دھوڑ مـٹی کـڈھ مـیکوں نواں کر چـھوڑیے میں چـاھنداں تیڈا قـرب تاحیات میکوں نصیب تھـی پووے تیں میں ہمیشہ واسـطے سُوکھی تھـی ونجاں”” ھا سجاول کیـوں نہیں مـیڈے بـابـا میڈی ہر خوشی کو مـقدم رکھدین تساں جھیا بـاشعور انسان جـیکر مـیکوں دان تھیـوے تاں بـیا کیا لـوݨیدے”۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔،کجھ مُـــد بـعد سجاول پیـو دو فون کیـتا جو “ابـا توں مـیڈو خرچا ناں بھیجا کر مـیں پـڑھدا وی پیـاں تیں نوکری وی کریـندا پیاں” ایں توں بـعد سـجاول ڈو چـار مہینے بعد کال کرے ھا تیں آکـھے ھا میں ٹھیـک ھاں سوکھا ھاں میڈے فــکر ناں کیـتی کرو وغیرہ وغیرہ وقـت گزرݨ دے نال نال رابـطہ کم تھیندا گیـا دل آکھیس ھـا تاں پوچھ گھیندا ھا ناں آکھیس ھا تاں ناںاج گرمـی دی شـدت شـدید تیں ھئی چـنگے بھلے نوجـوان بنـدے دے اکھیں اڳوں اندھارا محـسوس پیا تھیندا ھئی بـٹھا منـہ کیں دھـواں نہیں بـھا پیا بھـڑکدا ھا چـاچـا مـحمد بـخش پیشیں تک گارے کوں کاپی ڈیندا رہ گئے تھکا ہـارا انت وجـود کوں دھـو دھـواں نمـاز پـڑھ دعـا واسـطے ہتـھ چاتی بیٹـھے تیں آھـدا بیـٹھے “مـــیڈا مــولا کــریم آں مـیڈیاں لـتاں ہوݨ کمـبدین میڈے ہتھ کاہـی دا ٹـپا نہیں چھیک سڳدے میڈا وجـود ہوݨ باہـوں ضعیف تھے گئے میڈی آخـری امـید سجاول دی ڈھـیر پارت ھوویی ایہو آکـھ تیں کـنیں تیـں ہتھ رکـھ کـنڈ نیـوا بـاک بھر ڈتی ھیس “مــولا کریـم آں میڈے کـنیں ماکھی دے ڳھوݨیں وانگ کشـے شُــوکدی ڈیسدی ھیے لگــدے میڈی دعــا قـبول تھـی گئی ھیے”۔۔۔۔۔۔۔۔۔۔۔۔۔۔۔۔۔۔۔۔۔،مـُنشی مـنظور اوندے بـڈھڑے وجـود کوں ہـلائے تاں او ڈھے پئے حقـیقـت ایہا ھیے جو او تـاں کـڈاݨ دا مــر گیا ھا اوندے وجـود تیں اوندا ضعیف بُـت ھک بار ھا جیہرا کئی مُــد توں باہوں اوکھیں چئی ودا ھا۔