| تیݙی یادیں دے سجھ جو لہہ ڳئے ہن |
| اندھارے رات نچدے رہ ڳئے ہن |
| مکاݨاں ڈیوݨ آئے ہنجوں دے قطرے |
| مگر پپلیاں تے آ کے چھہہ ڳئے ہن |
| ڄنہاں دی ذات ہئی خود بزم انجم ! |
| پتہ نہیں کیڑھی چنڈ اچ ٻہہ ڳئے ہن ! |
| ہوائے دشت ! تیݙی ” جی ” توں صدقے |
| مسافر دے تھکیڑے لہہ ڳئے ہن |
| نہ او گُل ہن نہ او حجتاں ہتھیں دیاں |
| فقط پیریں دے چھالے رہ ڳئے ہن |
| زباں چھلی ڳئی تھئے ہونٹھ زخمی |
| اے کیندے ناں دے خنجر وھ ڳئے ہن |
| چلو یوسف دی جبھ نیلام کروں |
| سݨیے سے نرخ چپ دے ڈھہہ ڳئے ہن |
2024-11-21