| پیریں ٻدھی ہر پائیل دی چھن چھن وچ مجبوریاں |
| نچݨ والی کیا کیا ݙسے کن کن وچ مجبوریاں |
| ہر کئی اپݨے من وچ پا تے آپ نبھیندا ودے |
| کُئی منے یا نا منے ہن من من وچ مجبوریاں |
| چھوٹے لا ہن ٻیاں مجبوریاں نال جوانی ٻیاں ٻیاں |
| عمراں نال سلہڑدیاں آیاں سن سن وچ مجبوریاں |
| لازم نیں جو سب دے ڳل وچ ہک مجبوری ہووے |
| ویلہے نال بتلدیاں رہندین ون ون وچ مجبوریاں |
| ہک ویلہا ہا اساں وی ہن ݙاڈھے پَھل پُھل چاتے |
| ہُݨ تاں ناصر ٻڈھڑے وݨ دے پَن پَن وچ مجبوریاں |
2024-10-09